Iyi serivisi isabwa n'ubucuruzi busabwa kwandikisha ikinyabiziga cyagenewe gutwara inyama. RICA ikora igenzura ry'ikinyabiziga kugirango irebe ko cyujuje ibisabwa n'amabwiriza.
Igihe cyo gutunganya dosiye ni iminsi 5 kandi serivisi itangwa ku buntu.
Ibisabwa:
Ikigo cy'ubucuruzi cyangwa umuntu ku giti cye agomba kuba afite nomero iranga usaba (TIN).
Usaba agomba kuba afite nomero ya telefoni cyangwa imeyili bikora.
Imigereka isabwa:
Icyangombwa cyemerera imodoka gutwara ibintu cyatanzwe n’urwego rubifitiye ububasha
Icyemezo kigaragaza ko ikinyabiziga ari kizima / kontorole tekinike
-Icyemezo cy’indangamimerere y’ikinyabiziga (karite jone)
Icyemezo cy'umushoferi gitangwa na muganga
Icyemezo cyo kwandikisha ubucuruzi gitangwa na RDB.
Imigereka itagomba kubura:
Icyemezo kigaragaza uko ibikoresho by’ibagiro bikorerwa ubugenzuzi n’urwego rubishinzwe
Kopi ya pasiporo
Kurikiza izi ntambwe zoroshye kugira ngo usabe kwandikisha ikinyabiziga gitwara inyama:
Sura urubuga IremboGov kuri www.irembo.gov.rw hanyuma winjire muri konti yawe yu umu Ajenti.
Idirishya rito rizazamuka. Uzuza nimero yawe ya telefone n’ijambobanga, hanyuma ukande Injira.
Kanda "Dosiye Nshya" kugirango utangire ubusabe bushya.
Jya munsi y’icyiciro cy'Ubucuruzi n'inganda, ukande ku “Kwandikisha ikinyabiziga gitwara inyama. "
Kanda ''Saba'' kugira ngo utangize dosiye isaba.
Uzuzamo amakuru y'usaba (hitamo niba usaba ari we nyir'ubucuruzi cyangwa umuhagarariye mu buryo bwemewe n'amategeko, wongeremo imyaka n'andi makuru bwite asabwa).
Shyiramo amakuru y'ubucuruzi nk'uko bisabwa. Harimo TIN y’ikigo cy’ubucuruzi n’ubwoko bw’iyandikwa.
Andikamo umwirondoro w’umushoferi (Abashoferi 5 nibo benshi). Andika ibiranga ikinyabiziga harimo nomero ya chasis, purake, ubushobozi bwo kwikorera ikinyabiziga n’agace akoreramo.
Shyiramo imigereka isabwa mu miterere ikwiye.
Icyitonderwa: Genzura inshuro ebyiri niba dosiye washyizeho ziri mu miterere ya PDF kandi ziri mu ngano zujuje ibisabwa.
Reba neza ko amakuru watanze ari ukuri, andika nomero ya telefoni na/cyangwa imeyili, kanda mu kadirishya ko kwemeza maze ukande kuri "Ohereza."
Uzahita uhabwa nomero ya dosiye (B2....) kugira ngo usaba serivisi abashe kugenzura aho dosiye yiwe igeze.
Icyitonderwa:
Numara kuyohereza neza, dosiye y’usaba izatunganywa na RICA. Abasaba bazahabwa imeyili cyangwa ubutumwa bugufi bubamenyesha impinduka iyo ari yo yose ku miterere ya dosiye.
Abatunganya dosiye nibamara kwakira no kwemeza dosiye y’usaba, azahabwa icyangombwa cyiwe gitangwa mu buryo bw'ikoranabuhanga cyangwa ashobora kukimanura ku rubuga rw'IremboGov.