Icyemezo gihabwa abantu batuye cyangwa bigeze kuba mu Rwanda kugira ngo bemerwe ko bafite imyitwarire myiza aho batuye. Urwego rw'igihugu rw'ubugenzacyaha nirwo rutanga iyi serivisi.
Ibi ni ibibazo abajenti bakunze kubaza kuri iyi serivisi:
Ni inde wemerewe gusaba Icyemezo cy'ubudakemwa mu mico no mu myifatire?
- Abaturage b'u Rwanda cyangwa umuntu wigeze kuba mu Rwanda.
- Abanyamahanga bafite pasiporo yemewe batuye cyangwa bahoze batuye mu Rwanda.
Ni ibihe bintu bisabwa kugira ngo umuntu asabe iyi serivisi?
- Abasaba b'abanyarwanda bagomba kuba bafite nomero y'indangamuntu.
- Abasaba b'abanyamahanga bagomba kuba bafite pasiporo ikora.
- Abasaba bose bagomba kubona ibaruwa y'umuyobozi w'umudugudu n'akagari batuyemo.
Ni izihe nyandiko zisabwa mu gihe umuntu asaba dosiye?
- Ibaruwa y'umuyobozi w'umudugudu.
- Ibaruwa y'umuyobozi w'akagari.
- Ifoto ngufi y'usaba dosiye.
- Kopi ya pasiporo ku banyamahanga.
Ni izihe ntambwe ugomba gutera kugira ngo usabe Icyemezo cy'imyifatire myiza binyuze ku IremboGov?
- Injira kuri konti yawe y'umwajenti ku rubuga Irembo: www.irembo.gov.rw.
- Kanda ahanditse "Ubusabe bushya" kugira ngo utangire ubusabe bushya.
- Munsi y'ahanditse Urwego rw'igihugu rw'ubugenzacyaha, kanda kuri "Icyemezo cy'imyifatire myiza."
- Uzuzamo umwirondoro w'usaba (nomero y'indangamuntu cyangwa nomero y'ubusabe) n'andi makuru arebana n'ubusabe cyangwa inyandiko zigutangira ubuhamya.
- Shyiramo imigereka isabwa iri mu ngano n'imiterere bikwiye, maze ukande kuri "Ibikurikira" kugira ngo ukomeze.
- Reba neza amakuru, tanga nomero ya telefoni na/cyangwa imeyili, ukande mu kadirishya ko kwemeza, hanyuma ukande kuri "Ohereza."
- Uzahita ubona kode yo kwishyuriraho (88...) kugira ngo wishyure. Kanda "Kwishyura."
Nyuma yo kwishyura neza na nyuma y'uko umukozi wa RIB yemeje ubusabe bwa dosiye, usaba dosiye azahabwa ubutumwa bugufi/imeyili bumumenyesha ko icyemezo cyabonetse kandi ko ashobora kukimanura ku rubuga rwa IremboGov.
Igihe cyo gutunganya dosiye y'Icyemezo cy'imyifatire myiza kingana iki?
Ubusanzwe igihe cyo gutunganya dosiye ni iminsi 3.
Hari kiguzi gitangwa kuri iyi serivisi?
Oya, iyi serivisi ntiyishyuzwa kuri IremboGov.