Iyi serivisi ifasha ba nyir'ubutaka kwandikisha ubutaka bwa mbere. Iyo dosiye imaze gukorwa, uwasabye ahabwa ibyangombwa by'ubutaka.
Igihe cyo gutunganya dosiye ni iminsi 25, kandi serivisi ntiyishyurwa.
Imigereka isabwa:
Ibyemezo by' agateganyo
Inyandiko itanga amakuru ku burenganzira ku butaka itangwa na komite y'ubutaka mu kagari
Indi migereka yasabwa:
Amasezerano y'uwo mwashakanye yashyizweho umukono na noteri
Icyemezo cy'irangamimerere
Kopi ya pasiporo
Icyitonderwa:
Zirikana ko kugira ngo usabe iyi serivisi, ugomba kuba ufite ibyemezo cy'agateganyo cy'uwabaruriwe ubutaka no kuba ufite UPI y'ubutaka.kuko izakenerwa mu gutunganya dosiye.
Kurikiza izi ntambwe zoroshye kugira ngo ufashe usaba Kwandikisha ubutaka butabaruwe.
Sura urubuga IremboGov kuri www.irembo.gov.rw hanyuma winjire muri konti yawe yu umu Ajenti.
Idirishya rito rizazamuka. Uzuza nimero yawe ya telefone n’ijambobanga, hanyuma ukande Injira.
Kanda "Dosiye Nshya" kugirango utangire ubusabe bushya.
Munsi y'icyiciro cy'Ubutaka, kanda kuri Kwandikisha ubutaka butabaruye.
Soma ibisobanuro bya serivisi witonze hanyuma ukande "Saba".
Hitamo icyiciro cya nyir’ubutaka, ojyeramo UPI y’ubutaka hamwe n’umugabane wa nyir’ubutaka kuri buri muntu. Niba hari abo mufatanyije ubutaka bojyeremo n’amakuru yabo.
Komeza wongereho umwirondoro w’uhagarariye ubutaka. Shyiramo nomero yiwe y’indangamuntu cyangwa pasiporo. Ojyeramo aho uhagarariye ubutaka atuye.
Shyiraho imigereka isabwa nkuko byasabwe mu miterere ikwiye hanyuma ukande “Ibikurikira”.
Reba neza ko amakuru y'usaba dosiye ari ukuri, andika nomero ye ya telefoni na/cyangwa imeyili, kanda mu gasanduku ko kwemeza, hanyuma ukande kuri Ohereza.
Hazahita haza nomero ya dosiye (B2….) kugira ngo usaba dosiye ubashe gukurikirana imiterere ya dosiye ye.
Icyitonderwa:
Ikigo cy'igihugu gishinzwe ubutaka nikimara kwakira no kwemeza dosiye y'usaba, azahabwa imenyesha kugira ngo amanure impapurompamo ze zo mu buryo bw'ikoranabuhanga zivuguruye.