Iyi serivisi ifasha imiryango n'ibigo mu kwandikisha no kugabanyamo ibice bitandukanye bigize inyubako ikubiyemo inzu zo guturamo ziri mu nyubako cyangwa imitungo. Yoroshya igikorwa cyo guhinduramo inyubako ibice bitandukanye bigize inyubako ikubiyemo inzu zo guturamo, kugira ngo hanozwe igikorwa cyo kuzibarura no kuzigabanya. Iyo birangiye, abasaba baba bashobora kumanura ibyangombwa by'inzu ziri mu nyubako ikubiyemo inzu zitandukanye zo guturamo. Iyi serivisi itangwa n' Ikigo cy'igihugu gishinzwe ubutaka (NLA).
Igihe cyo gutunganya dosiye ni Iminsi 8 y'akazi kandi serivisi ntiyishyuzwa.
Ibisabwa:
Abasaba dosiye bagomba kuba bafite nomero y'indangamuntu nyarwanda na pasiporo ku banyamahanga.
Abanyarwanda n'abanyamahanga bagomba kuba bafite nomero yihariye iranga ubutaka (UPI)
Usaba agomba kuba bafite nomero ya telefone na imeyili bikora
Kurikiza izi ntambwe zoroshye kugira ngo umenye uko wafasha usabye Kwandikisha no gucamo ibice inyubako ikubiyemo inzu zo guturamo:
Sura urubuga IremboGov kuri www.irembo.gov.rw hanyuma winjire muri konti yawe yu umu Ajenti.
Idirishya rito rizazamuka. Uzuza nimero yawe ya telefone n’ijambobanga, hanyuma ukande Injira.
Kanda "Dosiye Nshya" kugirango utangire ubusabe bushya.
Munsi y'icyiciro cy’Ubutaka, kanda kuri “Kwandikisha no gucamo ibice inyubako ikubiyemo inzu zo guturamo”.
Kanda Saba.
Andika amakuru y'usaba (nomero y'indangamuntu cyangwa iya pasiporo), ayo makuru azakururwa kandi yerekanwe mu ruhande rw'iburyo rwa paji. Shyiramo UPI n'umubare w'inzu ziri mu nyubako ikubiyemo inzu zitandukanye zo guturamo.
Hitamo umuhanga muby'ubutaka maze ukande Ibikurikira kugira ngo ukomeze.
Reba niba ibyo wanditse ari ukuri, shyiramo nomero ya telefoni na/cyangwa imeyili y’usaba, ukande mu kadirishya ko kwemeza, maze ukande kuri ohereza.
Uzahabwa nomero ya dosiye (B2…...) kugira ngo uwasabye serivisi abashe kugenzure imiterere y'ubusabe bwe.
ICYITONDERWA:
Nyuma yo gusaba no kohereza neza dosiye binyuze kuri IremboGov, abasaba bazahabwa ubutumwa bugufi (SMS)/imeyili nimara kwemezwa.
Nihaboneka inyandiko nshya y'ubutaka hamwe n'imikoreshereze y'ubutaka ivuguruye, usaba azahabwa ubutumwa bugufi (SMS) kandi azaba ashobora kumanura inyandikompamo nshya y'ubutaka yo mu buryo bw'ikoranabuhanga ku rubuga rwa NLA.