Iyi serivisi ifasha ba nyir'ubutaka gukosoza indangamuntu na/cyangwa amazina ari ku cyangombwa cyabo cy'ubutaka. Iyi serivisi itangwa n'ikigo cy'igihugu cy'ubutaka (NLA).
Igihe cyo gutunganya iyi dosiye ni iminsi 13 kandi serivisi itangwa ku buntu.
Ibisabwa n’usaba serivisi:
Nomero ya telefoni cyangwa imeyili bikora by’usaba.
Nomero y’indangamuntu cyangwa pasiporo by’usaba.
Imigereka yasabwa:
Kopi ya pasiporo
Icyemezo cyo guhinduza amazina
Indi nyandiko ishimangira
Kurikiza izi ntambwe zoroshye kugira ngo umenye uko wafasha usabye iyi serivisi.
Sura urubuga IremboGov kuri www.irembo.gov.rw hanyuma winjire muri konti yawe yu umu Ajenti.
Idirishya rito rizazamuka. Uzuza nimero yawe ya telefone n’ijambobanga, hanyuma ukande Injira.
Kanda "Dosiye Nshya" kugirango utangire ubusabe bushya.
Munsi y'ahanditse"Ubutaka", kanda ku “Gukosoza amakuru mu gitabo cy'inyandiko z'ubutaka”.
Hitamo ''Gukosoza/Guhindura Indangamuntu cyangwa amazina muri rejistiri y’ubutaka'' ku rutonde rumanuka hasi.
Kanda ''Saba''.
Hitamo impamvu yo gusaba.
Hitamo ubwoko bw'icyangombwa na nomero yacyo. Ongeraho amakuru ya nyir'ubutaka, cyangwa umuhagarariye. Andika nomero ya telephone cyangwa imeyili y’usaba maze ushyireho UPI y'ikibanza. Hanyuma ukande ''Ibikurikira''.
Reba neza ko amakuru watanze ari ukuri. Andika nomero ya telefoni na imeyili y’usaba, Genzura mu kadirishya ko kwemeza maze ukande kuri "Ohereza''.
Uzahita uhabwa nomero ya dosiye (B2...) kugira ngo usaba serivisi abashe gukurikirana aho dosiye yiwe igeze.
Icyitonderwa:
Ikigo cy'igihugu cy'ubutaka nikimara kwakira no kwemeza dosiye y’usaba, azabimenyeshwa kugira ngo abashe gukuramo icyangombwa cyiwe gitangwa ku buryo bw'ikoranabuhanga ku rubuga rw’Irembo.