Iyi serivisi ifasha Abanyarwanda baba mu mahanga gusaba gukosorerwa indangamuntu yabo, mu gihe yatakaye cyangwa yangiritse. Iyi serivisi itangwa n'Ikigo cy'igihugu gishinzwe indangamuntu (NIDA).
Igihe cyo gutunganya iyi serivisi ni iminsi 30 kandi igiciro giterwa n'impamvu yo gukosora indangamuntu.
Ibisabwa:
Abasaba dosiye bagomba kuba bafite nomero y'indangamuntu nyarwanda.
Abasaba bagomba kuba bafite impamvu ifite ishingiro (itariki yavukiyeho, guhindura izina, igitsina, izina n'ifoto) yo gusaba iyi serivisi.
Abasaba bagomba kuba bafite nomero ya telefoni cyangwa imeyili bikora.
Kurikiza izi ntambwe zoroshye kugira ngo usabe gukosoza indangamuntu:
Sura urubuga IremboGov kuri www.irembo.gov.rw hanyuma winjire muri konti yawe yu umu Ejenti.
Idirishya rito rizazamuka. Uzuza nimero yawe ya telefone nijambobanga, hanyuma ukande Injira.
Kanda “Dosiye Nshya” kugirango utangire ubusabe bushya.
Jya munsi y'Irangamimerere, kanda kuri Gusaba gukosorerwa indangamuntu.
Hitamo “Gukosoza Indangamuntu ku Banyarwanda baba mu mahanga”.
Kanda kuri Saba.
Shyiramo amakuru asabwa y'Usaba (nomero y'indangamuntu, impamvu yo gukosoza indangamuntu, ahantu uzayifatira, n'ibiro bizatunganya dosiye).
Icyitonderwa: Impamvu zose zo gusaba iyi serivisi ntizishyuzwa, uretse gusa guhinduza amazina n'amafoto byishyuzwa 1500 Frw.
Shyiramo ibyangombwa bikenewe. (Imigereka isabwa izatandukana bitewe n'impamvu yatoranijwe.) hanyuma ukande Ibikurikira kugira ngo ukomeze.
Reba niba ibyo wanditse ari ukuri, shyiramo nomero ya telefoni na/cyangwa imeyili y’usaba, ukande mu kadirishya ko kwemeza, maze ukande kuri Ohereza.
Icyitonderwa:
Nyuma yo kuyohereza, dosiye y’usaba izatunganywa n'ibiro bya ambasade byatoranyijwe hamwe n'ikigo cy'igihugu gishinzwe indangamuntu. Usaba azabona imeyili cyangwa ubutumwa bugufi (SMS) bumumenyesha impinduka iyo ari yo yose irebana n'imiterere ya dosiye yiwe.
Dosiye nimara kwemezwa, usaba azahabwa nomero yo kwishyuriraho azakoresha mu kwishyura serivisi ari gusaba akoresheje uburyo ubwo ari bwo bwose bwatanzwe mu gice cy'Uburyo bwo kwishyura.
Indangamuntu y’usaba serivisi nimara gukorwa. Azahamagarwa na ambasade y'u Rwanda kugira ngo ategure uburyo bwo kohereza cyangwa gufata indangamuntu yiwe.